Þorrablót Íslendingafélagsins Kjartans 2013 á 50 ára afmæli félagsins!

  

 

Þorrablótið verður haldið með pompi og prakt þann 9. febrúar 2013

Aðgangseyrir er 400 NOK
Stúdentar 350 NOK (þurfa sýna studentbevis við komu)
Sendið nöfn þeirra sem ætla saman á hrefna@misa.no
Til að sæti séu tryggð þarf að greiða fyrirfram en upplýsingar um reikningsnúmer er 6401 14 71534!
Skráningu lýkur 28.janúar nk.

Munið að setja nöfn þeirra sem greitt er fyrir í athugasemd annars er enginn leið að sjá hver greiddi!

Þeir sem ekki skrá sig og greiða fyrirfram geta átt á hættu að búið sé að fylla salinn þegar mætt er á blót og missa þar með sætin sín.

Árið 2013 verður íslendingafélagið Kjartan 50 ára og ætlum við að fagna því sérstaklega!

Hvar: Thon Hotel Prinsen, Kongens gate 30
Hvenær: 9. febrúar 2013, klukkan 18:00. Húsið opnar kl. 18.00 með Brennivíni, hákarl, lifandi tónlist og "listaverki" með gömlum þorrabótsminningum
Veitingar: Dýrindis þorramatur og í tilefni afmælisins verður boðið upp á eftirrétt með kaffi.
Happadrætti: Fleiri lodd vinningar í boði
Dansiball: Jóhanna Guðrún og Davíð

Eins og fram hefur komið er þetta haldið í fallegum sal á hóteli í þetta skiptið og því verður EKKI hægt að taka með sér sitt eigið áfengi. Áfengi verður selt á sanngjörnu verði (stúdentaverð fyrir alla, 60 kr, hægt að kaupa eitthvað með kaffinu líka og vín). Brennivín verður þó eins og ávallt í boði með hákarlinum!

Hjólreiðatúr!

Á morgun laugardag 23. verður hjólatúr. Við leggjum af stað frá Studetsamfunnet (við syðri enda á Elgsetterbru) kl. 11.00. Áætlunin er að hjóla til Heimdal - fyrir Bynessa og yfir ásinn frá Rye um den gamle Bynessavegen. Reikna með að þetta geti orðið 3-4 tímar. Við förum ekki sérlega hratt yfir, borðum samlokuna okkar í fjörunni og leiðum hjólin yfir brattasta hluta leiðarinnar þvert yfir Byåsen. Við vonum að sem flestir sláist með í ferðina.

Palli s:47441756

Frábær fjölskyldudagur!
Það var sannkölluð þjóðhátíðarstemning á 17. júní fjölskyldu-hátíðinni sem við héldum saman í Eidsmogjerdet. Það hellirigndi fyrsta klukkutímann, en sem betur fer, þá höfðum við fengið afnot af frábærri aðstöðu hjá Hans Jørgen Husby sem hafði opnað fyrir okkur heimili sitt og boðist til að lána okkur "Stabburet" fyrir hátíðarhöldin.

Takk fyrir þetta Hans Jørgen!

Fólk var vel búið undir íslenskan þjóðhátíðardag. Sumir voru með regnhlíf og í regnfötum.

En á meðan rigndi voru flestir inni. Í boði voru íslenskar SS pylsur og að sjálfsögðu SS pylsusinnep, íslenskt nammi og hægt að kaupa íslenskan fána. Kórinn söng nokkur lög og þjóðhátíðargestir tóku undir.

Sr. Arnaldur Bárðarson flutti hátíðarræðu. Í henni miðri tókst sólinni að brjóta sér leið í gegnum skýin.

Þá hélt hátíðin áfram úti, með reipitogi sem allir tóku þátt í, stórir og smáir, ásamt því að teymdir voru hestar undir börnunum.

Það voru milli 60 og 70 manns sem mættu á þjóðhátíðardaginn og áttu indæla stund saman.

Takk fyrir skemmtunina!

Fleiri myndir frá hátíðarhöldunum má finna hér á Google+, eða í Facebook grúppu Íslendingafélagsins Kjartans.

17. júní fjölskylduhátíð

Íslendingafélagið Kjartan heldur upp á  17. júní með fjölskylduhátíð í Eidsmogjerdet í Skaun, milli klukkan 14 og 17.


Sr. Arnaldur Bárðarson, prestur í Hemne ætlar að segja nokkur orð og kór Íslendingafélagsins syngur nokkur vel valin ættjarðarlög.

SS pylsur verða seldar á sanngjörnu verði ásamt kaffi, gosi, íslensku sælgæti, kökum o.fl
Ath. að engir posar verða á svæðinu þannig að það þarf að taka með sér seðla.
Hestar verða teymdir undir börnin í frá Rideskole Katla einnig verður reipitog og ýmsir aðrir leikir.

Vonumst til að sjá sem flesta og allir velkomnir.